Каталониянинг "Барселона" клуби ёзда "Бавария" вингери билан кучаймоқчи. Sport.es нашри хабарига кўра, каталонияликлар Мюнхен клуби билан шартномаси бир ярим йилдан сўнг тугайдиган Лерой Сане трансферини сўраган.
Манбага кўра, "Барселона" немисга қизиқиш билдираётганига қарамай, айни дамда ҳаммаси Сане "Бавария" билан шартномасини узайтириш томон кетмоқда. Мюнхен раҳбарияти Лерой билан янги шартнома бўйича сўнгги музокараларда муваффақиятга эришди.
Ушбу Германия чемпионатида Сане 8 та гол урди ва 11 та голли узатмани амалга оширди. Аввалроқ Лерой "Манчестер Сити"га қайтиши мумкинлиги ҳақида хабарлар тарқалган эди.
