"Реал" бош мураббийи Карло Анчелотти ярим ҳимоячи Тони Крооснинг келажаги ҳақида фикр билдирди.
Немис футболчисининг амалдаги шартномаси мавсум охиригача амал қилади. Аввалроқ Кроос фаолиятини "Реал"да якунлаш истаги ҳақида бир неча бор гапирган.
“Тони Крооснинг ҳар қандай қарорини ҳурмат қилишимиз керак. Менинг позициям шуки, футболчи фаолиятини энг юқори савияда якунлаши керак.
Мотивация пул ёки унвон эмас. Кроос футболни яхши кўради”, деди Анчелотти душанба куни бўлиб ўтган матбуот анжуманида.