"Барселона" ҳали ҳам "Бавария" бош мураббийи Томас Тухелнинг номзодини кўриб чиқмоқда.

Каталония клуби мавсум якунида жамоадан кетишини эълон қилган Хави Эрнандесга ўринбосар қидирмоқда. Номзодлардан бири сифатида яқинда Тухель номи тилга олинди, миш-мишларга кўра, у "Бавария"даги ишини йўқотиши мумкин. Испания матбуоти хабарига кўра, "Барселона" 50 ёшли германиялик мутахассисни таклиф қилиш имкониятини кўпроқ муҳокама қилмоқда. Шунингдек, Тухелнинг тайинланиши каталонияликлар президенти Жоан Лапорта томонидан маъқуллангани ҳам маълум. Бироқ мутахассис билан ҳали музокаралар олиб борилмаяпти.

Томас Тухель ўтган баҳордан бери "Бавария"да ишламоқда. Унинг шартномаси кейинги мавсум охиригача амал қилади.