Лондоннинг “Челси” клуби вингери Раҳим Стерлинг кеча “Манчестер Сити”га қарши кечган Англия чемпионатининг 25-тур учрашувида урган голи ҳақида гапирди. Учрашув “Этиҳад”да бўлиб ўтди ва 1:1 ҳисобида дуранг билан якунланди.
“Менинг голим? Албатта, гол урганимдан ва жамоамга ёрдам берганимдан хурсанд бўлдим", - дея футболчининг сўзларини келтиради Лондон топ-клуби матбуот хизмати.
Эслатиб ўтамиз, Раҳим 2015 йилдан 2022 йилгача "шаҳарликлар" сафида ўйнаган.
25-тур натижаларига кўра, "Манчестер Сити" 53 очко жамғариб, Англия Премьер-лигаси турнир жадвалида учинчи ўринни эгаллаб турибди. "Челси"га келсак, пойтахтликлар 35 очко билан ўнинчи поғонада бормоқда.
