"Манчестер Юнайтед"нинг собиқ ҳимоячиси, ҳозирда футбол эксперти Гари Невилл Англия премьер-лигасининг 25-тури доирасидаги "қизил иблислар"нинг "Лутон" устидан қозонилган ғалабаси ҳақида гапирди.
"Энди Эрик тен Хаг ўз жамоасига кўпроқ ишонади, бу сезиларли. У "Астон Вилла" ва "Тоттенхэм" билан кучли тўртлик учун курашмоқчи ва улар босимни ҳис қилишади. "МЮ" бунга албатта эришади демоқчи эмасман, лекин улар курашиш иштиёқида. "Юнайтед" "Лутон" устидан қозонилган ғалабага ҳақли эди", - дея Невилл сўзларини келтиради Sky Sports.
Англия премьер-лигасининг жорий мавсумида 25-турдан сўнг “Манчестер Юнайтед” тўртинчи ўриндаги “Астон Вилла”дан 5 очко ортда қолиб, олтинчи ўринда бормоқда.
