"Реал"нинг собиқ футболчиси Эден Азар ўтган ёзда Дортмунднинг "Боруссия"сидан 103 миллион евро эвазига "Сантьяго Бернабеу"га ўтган ярим ҳимоячи Жуд Беллингемнинг савиясини баҳолади.
“Жуд Беллингем? Вой, бу ақлбовар қилмайдиган ўйинчи. Мен у билан гаплашиш имконига эга бўлдим ва у яхши йигит. Мен Жудни 18-19 ёшида "Боруссия Дортмунд"да кузатганман. Ўшанда ҳам у ўзгача эди”, деди Азар.
Беллингем 16 та гол билан Испания чемпионатининг энг яхши тўпурари ҳисобланади. Футболчи жароҳати сабаб кейинги бир неча ҳафтани ўтказиб юборади.