Италиянинг "Аталанта" клуби ёзда ярим ҳимоячиси Тьён Копмейнерс билан хайрлашишга тайёр бўладиган нархни эълон қилди.
Calciomercato хабарига кўра, Бергамо клуби нидерландиялик футболчини камида 60 миллион еврога сотади. Қайд этилишича, Копмейнерс Туриннинг “Ювентус” клубининг ёздаги асосий трансфер мақсадларидан бири ҳисобланади. Шу билан бирга, "кекса синьора"да ярим ҳимоячи сотиб олиш учун катта маблағ бўлиши даргумон, чунки клуб молиявий муаммоларга дуч келмоқда.
Италия А Сериясининг ушбу баҳсида 25 ёшли Копмейнерс 7 та гол ва 3 та голли узатмани амалга оширди. Нидерландиялик футболчи “Аталанта” сафида учинчи мавсумини ўтказмоқда.
