"ПСЖ" раҳбарияти ҳужумчи Килиан Мбаппе кетганидан кейин жамоанинг янги юзига айланадиган икки футболчини аниқлади. Журналист Фабрицио Романо хабарига кўра, парижликлар 17 ёшли ярим ҳимоячи Уоррен Заир-Эмери ва жорий мавсумни "РБ Лейпциг"да ижара асосида ўтказаётган ярим ҳимоячи Хави Симонсга ишонмоқчи.
Манбанинг хабар беришича, "ПСЖ" ҳали Симонс билан янги шартнома бўйича музокараларни бошламаган, бироқ раҳбарият буни яқин орада бошламоқчи. Клуб аллақачон Заир-Эмери билан янги шартнома шартларини муҳокама қилган.
Эслатиб ўтамиз, Мбаппе келаси ёзда “ПСЖ”ни эркин агент сифатида тарк этади. "Реал" франциялик футболчини трансфер қилиш учун фаворит саналади.
