Испаниянинг “Барселона” клуби “Штутгарт”нинг 20 ёшли ярим ҳимоячиси Раул Паулага қизиқиш билдирмоқда, деб хабар беради Bild.
Манбага кўра, Паула ҳозирги вақтда кам ўйин амалиётидан норози ва "Барселона"га ўтиб, болаликдаги орзусини амалга оширмоқчи.
Паула "Боблинген" ва "Штутгарт" тарбияланувчиси. 20 ёшли футболчи ҳали асосий таркибда майдонга тушмаган, бироқ жорий мавсумда у иккинчи жамоада 21 та ўйин ўтказиб, 13 та гол ва 5 та голли узатмани амалга оширган. Бундан ташқари, Transfermarkt интернет порталига кўра, футболчининг бозор қиймати 300 минг еврони ташкил қилади.
