"Фулхэм" ярим ҳимоячиси Жоау Палинья ёзги трансфер ойнасида топ-клубга ўтиши мумкин. Бу ҳақда журналист Экрем Конур хабар қилди.
Манбага кўра, лондонликлар ўз ярим ҳимоячисидан камида 70 миллион евро эвазига хайрлашишга тайёр. Таъкидланишича, португалиялик футболчининг хизматларига энг катта қизиқишни "Бавария", "Челси", "Манчестер Сити", "Ливерпул" ва "Арсенал" клублари кўрсатмоқда.
Палинья 2022 йилдан бери "Фулхэм"да ўйнамоқда. Жорий мавсумда ярим ҳимоячи жамоа сафида барча турнирларда 28 та ўйин ўтказиб, 3 та гол ва битта голли узатмага муаллифлик қилган.
