Пеп Гвардиола "Манчестер Юнайтед"нинг "Манчестер Сити" билан АПЛ чемпионлиги учун курашишини хоҳлайдими деган саволга жавоб берди.
"Мен "Манчестер Сити", яъни менинг жамоам юқори поғонада бўлишини истайман. Қолганлари мени безовта қилмайди. Биз у ерда бўлишни хоҳлаймиз.
Улар фақат Жозе Моуриньо қўл остида иккинчи ўринни эгаллашди. Улар кўп йиллардан бери "Ливерпуль" каби совринга яқин бўлишмаганини айтган бўлардим. Лекин мен бу ердаги биринчи кунимданоқ доим шуни кутгандим. Мен доим "Манчестер Юнайтед" чемпионлик учун кураш олиб боришини кутганман. Уларнинг тарихи, анъаналари ва бошқалар туфайли.
Лекин бундай бўлмади. Нима сабабдан билмайман. Улар, эҳтимол, билишади. Бу уларнинг иши, бизники эмас. Биз ўзимиз ҳам ғалаба қозонишни истаймиз", - деди "Манчестер Сити" бош мураббийи.
