"Барселона"да Хавининг ўрнини эгаллаши мумкин бўлган мураббийлар рўйхати маълум бўлди: Ханси Флик, Роберто Де Зерби, Серхио Консейсау ва Имманоль Альгуасиль.
Қуйида ушбу 4 номзодни солиштирамиз.
Услубнинг мувофиқлиги
Манбаларнинг таъкидлашича, "Барселона" Роберто Де Зербини энг кўп қадрлайди. У ҳимоявий ярим ҳимоячи сифатида ўйнаган, итальяннинг услубини ҳеч ким Пеп Гвардиоладан яхшироқ таърифлай олмади. 44 ёшли мураббий "Барса" ДНКсига тўлиқ мос келади.
Ханси Флик ва Имманоль Альгуасиль каталонияликларга ҳам мос келади: улар қарши прессингни, тўпни ушлаб туришни ва имкон қадар кўпроқ имконият яратишни яхши кўрадилар. Серхио Консейсаунинг ўйин услуби жуда оддий, лекин у мослаша олади.
Ютуқлар рўйхати
Альгуаcиль ва Конcейcау тўртта номзод ичидан энг тажрибалилари. Улар мамлакат ичида ҳам, халқаро миқёсда ҳам муваффақият қозонишди, совринларни қўлга киритишди ва Европа мусобақаларининг сўнгги босқичларига чиқишди.
Гарчи Ханси Флик "Бавария"даги фаолияти учун ардоқланса-да, унинг муваффақияти қисқа умр кўрди ва у Германия терма жамоаси билан бирга тушкунликка тушди.
Роберто Де Зерби ўз даражасида яхши натижаларга эришди: у Европанинг ўртача жамоаларида шов-шув кўрсатди ва "Брайтон"ни Европа Лигасига олиб чиқди.
Мослашувчанлик
Квартетнинг энг мослашувчан мураббийи Имманоль Альгауcиль бўлиб, у ўйинчилар орасида кимлар мавжудлигига қараб тузилмаларни доимий равишда синаб кўради.
Де Зерби ва Консейсау ҳам озми-кўпми барқарор таркибга ва ўйин режаларига эга бўлсалар-да, мослашишни хоҳлашади. Ханси Флик одатда 4-2-3-1 схемасига таянади.
Ёшларга ишонч
Бу мезон бўйича Де Зербининг "Брайтон"и ажралиб туради. Жамоанинг ўртача ёши 25,7 ёш бўлиб, жорий мавсумда 21 ёшгача бўлган 11 нафар футболчи майдонга тушди.
Қолган учта мураббий ёшлик ва тажриба уйғунлигига таянади. Де Зербидан фарқли ўлароқ, улар буни биринчи ўринга қўймайдилар.
Ханси Флик аллақачон бепул трансфер сифатида кўрилади, Серхио Консейсау эса мавсум охирида "Порту"ни тарк этиши мумкин.
Қолган икки мутахассис билан ҳаммаси анча мураккаб: Имманоль Альгуасиль “Сосьедад” билан амалдаги келишувини ҳурмат қилишини очиқ айтди, Роберто Де Зерби эса 10-15 миллион евро товон пулига эга.
