"Манчестер Сити" бош мураббийи Пеп Гвардиола жамоанинг ҳужумкор ярим ҳимоячиси Оскар Бобб ҳақида фикр билдирди. Аввалроқ, матбуотда 20 ёшли Бобб "шаҳарликлар" билан шартномасини узайтириши мумкинлиги ҳақида маълумот пайдо бўлганди.
"Ҳамма унинг ўйинини кўрди. Ҳамма унинг тезлигини, жасоратини кўрди - у яхши меҳнат қилади. Биз жуда хурсандмиз ва умид қиламизки, у биз билан узоқ йиллар қолиши мумкин", - деди Гвардиола матбуот анжуманида журналистларга.
"Манчестер Сити" навбатдаги ўйинни 24 февраль, шанба куни сафарда "Борнмут"га қарши ўтказади. Айни дамда "шаҳарликлар" АПЛ турнир жадвалида иккинчи ўринда бормоқда.
