"Рома" Жозе Моуриньо кетганидан кейин А Сериядаги 6 ўйиннинг 5 тасида ғалаба қозонган.

А Сериянинг 25-тури доирасидаги ўйинда римликлар ўз майдонида “Торино”ни қабул қилиб, 3:2 ҳисобида зафар қучди. Пауло Дибала хет-трик қайд этди.

Шундай қилиб, Моуриньо четлатилгач, “Рома” чемпионатдаги 6 ўйиндан 5 тасида ғалаба қозонган – аввалроқ Даниэле де Росси бошчилигидаги жамоа “Верона” (2:1), Салернитана (2:1), “Кальяри” (4:0) ва “Фрозиноне”ни (3:0) мағлуб этганди. Римликлар бу даврдаги ягона мағлубиятни "Интер"дан қабул қилиб олишди (2:4).

"Рома" айни дамда 44 очко билан А Серияда 6-ўринни эгаллаб турибди.