Каталониянинг "Барселона" клуби янги бош мураббий изламоқда. Клубнинг қисқа рўйхатига 4 нафар номзод киритилган, деб хабар беради Diario Sport.
Манбага кўра, "блауграна" қуйидаги мутахассислардан бирини танлаши кутилмоқда: Ханс-Дитер Флик, Роберто де Дзерби, Томас Тухель ва Юлиан Нагельсманн. Қарор Жоан Лапорта ва спорт директори Деку томонидан биргаликда қабул қилинади.
Эслатиб ўтамиз, Хави Эрнандес жорий мавсум якунида "Барселона" бош мураббийи лавозимини тарк этади. Испания чемпионатининг 26-туридан сўнг каталонияликлар 57 очко жамғариб, турнир жадвалида учинчи ўринда бормоқда.
