Мэйсон Гринвуд "Манчестер Юнайтед"га қайтиш ниятида эмас.

The Athletic хабарига кўра, Гринвуднинг фикрича, "Манчестер Юнайтед" уни оиладаги зўравонлик ҳақидаги айбловлар ортидан етарлича қўллаб-қувватламаган. Кейинчалик бу айбловлар бекор қилинган. Қолаверса, "Хетафе"да ижара асосида ўйнаётган ярим ҳимоячи Премьер-лигага қайтганидан сўнг жиддий босим ва текширувларга дуч келишига ишониб, Ла Лигада қолишни афзал кўради.

22 ёшли англиялик футболчига "Барселона" ва "Атлетико" клублари қизиқиш билдираётгани ҳақида аввалроқ хабар берилган эди. "Манчестер Юнайтед" ярим ҳимоячи учун 40 миллион евро олишни истамоқда.

Ла Лиганинг жорий мавсумида Гринвуд 22 учрашувда 5 та гол ва 5 та голли узатмани амалга оширди.