Миланнинг “Интер” клуби Европанинг етакчи лигаларидаги энг сермаҳсул жамоалар рейтингида етакчилик қилмоқда.
"Нерадзуррилар" А Серия 26-туридан ўрин олган ўйиннинг биринчи бўлимида "Аталанта" дарвозасига жавобсиз иккита гол йўллади. Симоне Индзаги жамоаси чемпионатда урган голлари сонини 65 тага етказиб олди - бу Европа топ-5 лигаларидаги энг яхши кўрсаткич. Миланликлар рейтингда 63 та гол урган "Ливерпуль" ва "Бавария"ни ортда қолдирди. Тўртинчи ўрин "Арсенал"да бормоқда - 62, бешинчи ўрин эса "Манчестер Сити" ва "Байер" ўртасида тақсимланган - 59 тадан гол.
