Англия чемпионатининг 27-тури доирасида “Манчестер Сити” ва “Манчестер Юнайтед” жамоалари ўртасида дерби бўлиб ўтди.
Учрашув 3:1 ҳисобида “шаҳарликлар”нинг ғалабаси билан якунланди.
"Қизил иблислар" ярим ҳимоячиси Бруно Фернандеш ушбу учрашув ҳақида гапирди.
“Ҳар бир муваффақиятсизлик жамоага зарар келтиради. Биз "Манчестер Юнайтед" нимани мақсад қилганини биламиз.
Бу ўйинда ғалаба қозона олмадик, бироқ олдимизда ҳали кўп йўл бор. Ҳаммаси ўз қўлимизда, чунки рақиблар барибир очко йўқотишади", - деди "манкунианликлар" матбуот хизмати португалияликнинг сўзларини келтирган ҳолда.
