"Тоттенхэм" ярим ҳимоячиси Пьер-Эмиль Хёйбьерг ёзги трансфер ойнасида клубини алмаштирмоқчи.

Даниялик Анже Постекоглу жамоасидаги ўз ўрнидан унчалик мамнун эмас, аммо "шпорлар" ярим ҳимоячини мавсум давомида қўйиб юборишдан бош тортди.

Трансфер шу йилнинг ёзида амалга ошиши мумкин ва футболчи бу йўналишда аллақачон маълум қадамлар қўйган.

Football Italia хабарига кўра, Хёйбьерг Италиядаги агентлик билан шартнома имзолаган ва бу унинг А Серия клубига ўтиш имкониятини оширади.

"Ювентус" 28 ёшли футболчи учун асосий даъвогар саналади.