Мадриднинг “Реал” клуби Чемпионлар лигаси 1/8 финалининг жавоб учрашувида “РБ Лейпциг” билан ўз майдонида 1:1 ҳисобида дуранг ўйнади ва биринчи ўйиндаги 1:0 ҳисобида меҳмондаги ғалаба эвазига чорак финалга йўл олди.

Бу “Реал Мадрид”нинг немис клубларига қарши Чемпионлар Лигаси плей-офф босқичидаги кетма-кет саккизинчи ўйинидир. Бунгача “Лос-Бланкос” “Бавария”ни уч марта мағлуб этган (2013/2014-йилги мавсумда 1:0, 4:0; 2016/2017-йилги мавсумда 2:1, 4:2; 2017/2018-йилги мавсумда 2:1, 2:2).

Икки марта «Шальке» (2013/2014 мавсумда 6:1, 3:1; 2014/2015 мавсумда 2:0, 3:4), шунингдек, «Боруссия Дортмунд» (0:3, 2:0 – 2013/2014 йилги мавсум) ва "Вольфцбург" (2015/2016 йилги мавсумда 0:2, 3:0) билан баҳслар бўлиб ўтган.

"Реал Мадрид" Чемпионлар лигаси плей-офф босқичидаги сўнгги мағлубиятини Германиянинг "Боруссия Дортмунд" клубидан 2012/2013 йилги мавсумнинг ярим финалида қабул қилиб олганди.