"РБ Лейпциг"да ўйнаётган бельгиялик ҳужумчи Луи Опенда Германияни Англияга ўзгартириши мумкин. Манбага кўра, "буқалар" ҳужумчиси хизматларига Премьер-лиганинг икки топ-клуби қизиқиш билдирмоқда.
Футболчи учун “Челси” ва “Ливерпуль” клублари кураш олиб боради. 24 ёшли бельгиялик бу мавсумда Бундеслигада жуда сермаҳсул ўйнаяпти.
Опенда 24 та учрашувда қатнашиб, 17 та гол ва 4 та голли узатмани амалга оширган. Унинг шартномаси 2028 йилнинг ёзига қадар мўлжалланган ва трансфер нархи 55 миллион еврога баҳоланмоқда.