Испанияда Ла Лиганинг йигирма саккизинчи тур ўйинлари бошланди. “Барселона” ўз майдонида “Малёрка”ни мағлуб этди ва учрашувдаги ягона гол Ламин Ямаль томонидан киритилди.
Ўтган ўйиндаги воқеаларни Каталония суперклуби устози Хави Эрнандес изоҳлади.
"Меҳнат орқали эришилган ғалаба. Амалга оширилмаган пеналти ўйин динамикасини бизнинг фойдамизга ўзгартирди. Бу ўйинда бизда 10 ёки 15 та имконият бўлмади, бизда учта ёки тўртта имконият бўлди ва биттасини голга айлантира олдик. Буни мен меҳнат ғалабаси деб атайман", - деди Хави ўйиндан кейинги интервюсида.
Чемпионатнинг навбатдаги турида “Барселона” Мадриднинг “Атлетико” жамоасига қарши баҳс олиб боради.
