Ҳимоячи Киран Тирни ҳозирда "Реал Сосьедад"да ижара асосида ўйнамоқда. Шотландиялик футболчи келаси ёзда "Арсенал"ни тўлиқ вақт билан тарк этиши мумкин.
GiveMeSport нашри хабарига кўра, "канонирлар" ёзда Тирнини тахминан 20 миллион фунт стерлингга сотишга тайёр бўлишади. Аввалроқ, матбуотда "Астон Вилла" 26 ёшли Тирнига қизиқиш билдираётгани ҳақида маълумот пайдо бўлганди.
2023/2024 йилги мавсумда Киран Тирни 20 та ўйин ўтказиб, ўз шериклари учун иккита голли узатмани амалга оширди. Шотландиялик футболчининг "Арсенал" билан амалдаги шартномаси 2026 йилнинг ўрталарига қадар тузилган.
