"Аталанта" бош мураббийи Жан Пьеро Гасперини "Интер"нинг кучига шубҳа қилмаяпти.
Бергамоликлар бугунги ўйинда “Ювентус” билан очко бўлишди – энди туринликлар билан пешқадам “Интер” ўртасидаги фарқ 17 очкога етди.
Яқин-яқингача Массимилиано Аллегри жамоаси скудеттога жиддий даъвогарлик қилганди, аммо сўнгги ўйинлар натижалари А Серия чемпионлиги пойгасига нуқта қўйгандек бўлди.
Бундан ташқари, "бьянконери"лар эндиликда бир очколик фарқ билан "Милан"дан ҳам ортда қолмоқда.
"Интер"нинг чемпионатда яққол устун эканлигига шубҳа йўқ", - деди Гасперини "Ювентус"га қарши ўйиндан кейин. - Бу жуда адолатли кўринади. "Милан" ва "Ювентус" ажойиб жамоалар, куч жиҳатидан тенг", - дея "Аталанта" бош мураббийининг сўзларидан иқтибос келтиради журналист Николо Скира.
