"Барселона" марказий ҳимоячиси Рональд Араухо "Наполи"га қарши Чемпионлар лигаси 1/8 финал жавоб ўйинида жамоасининг ҳаракатларини юқори баҳолади.
Хави Эрнандес шогирдлари илк учрашувда 1:1 ҳисобида дуранг ўйнаганидан кейин ўз майдонида 3:1 ҳисобида зафар қучди.
"Бугунги ўйин бурилиш нуқтаси, олдинга қадамдир. Биз ким билан ўйнашимиздан қатъи назар, чорак финалда ғалаба қозониш учун ҳамма нарсани қиламиз.
Натижадан жуда мамнунман. Ўз уйимизда ажойиб ўйин ўтказдик, дастлабки дақиқалардан мухлисларнинг қўллаб-қувватлаши катта ёрдам берди.
Гол ўтказиб юборган бўлсак ҳам, ҳимояда ажойиб ўйнадик ва бу Чемпионлар лигасида жуда муҳим. Иккинчи голимиздан сўнг ташаббус “Наполи”га ўтишини билардик, бироқ ўзимизни босиб олдик”, деди Араухо ўйиндан кейинги интервьюсида.
