Мадриднинг “Реал” клуби ҳимоячиси Даниэль Карвахаль Испания чемпионатининг 29-тури доирасидаги “Осасуна”га (4:2) қарши ўйинда ҳужумчи Винисиус Жуниорнинг ҳаракатларига баҳо берди.
Бразилиялик форвард ўйинда иккита гол урди.
“Винисиус ажойиб ўйин кўрсатди. У вазиятлар яратди ва голлар киритди. Жуниор ажойиб кураш олиб борди. Уни табриклайман ва шу руҳда давом этишини тилайман”, - деди жамоа сардори.
Кечаги муваффақият эвазига мадридликлар турнир жадвалида биринчи ўринни мустаҳкамлашди. Винисиус Ла Лиганинг 20та учрашувида 12та гол ва 4та голли узатмага муаллифлик қилган.
