Англиянинг "Ливерпуль" клуби Дортмунднинг "Боруссия" клуби ҳужумчисига эътибор қаратмоқда. Гап ёзда немис жамоасини тарк этиши мумкин бўлган Дониэлл Мален ҳақида кетмоқда.
Журналист Кристиан Фалкнинг хабар беришича, нидерландиялик футболчининг трансферига Лондоннинг "Арсенал" клуби ҳам қизиқиш билдирмоқда.
Қолаверса, "Манчестер Юнайтед" мавсум охиригача "Боруссия"да ижара асосида ўйнаётган Жейдон Санчо эвазига Маленни олишига қарши эмас.
Эслатиб ўтамиз, Маленнинг Дортмунд клуби билан шартномаси 2026 йилнинг ёзида якунига етади. Германия Бундеслигасининг ушбу мавсумида 25 ёшли Мален 11 та гол урди. Transfermarkt портали ҳужумчини 35 миллион еврога баҳоламоқда.
