35 ёшли ҳимоячи Матс Хуммельс футболчилик фаолиятини якунлаш ҳақида ўйламоқда. Бу ҳақда Bild журналистлари маълум қилишди. Тажрибали футболчининг Дортмунднинг “Боруссия” клуби билан шартномаси жорий мавсум охирида якунига етади. Шу муносабат билан Матс бутсаларни михга илиш ҳақида ўйламоқда.
Фахрийнинг кетишига жамоадаги вазият ҳам сабаб бўлмоқда. Сўнгги пайтларда "Боруссия"нинг асосий таркибида Хуммельснинг ўрнини Никлас Зюле ва Нико Шлоттербек эгаллашмоқда. Матс 2019 йилда "Бавария"дан Дортмундга қайтганди.
Бундеслиганинг жорий мавсумида ҳимоячи 19 та ўйин ўтказиб, 3 та гол урди.
