"Манчестер Юнайтед" вингери Алехандро Гарначо бир кун келиб ўзини "Реал"да синаб кўрмоқчи. Аргентиналик футболчи ўтган мавсумдан бери “қизил иблислар”нинг асосий жамоасида мунтазам ўйнаб келмоқда.

Таниқли журналист Гастон Эдулнинг фикрича, 19 ёшли футболчи учун "Реал Мадрид" орзусидаги клуб. Гарначо Мадридда туғилган ва унинг асосий кумири "Лос-Бланкос" афсонаси Криштиану Роналду. Яқинда ОАВда Флорентино Перес "Манчестер Юнайтед"нинг ўсиб бораётган юлдузининг трансферига қизиқиш билдираётгани ҳақида маълумотлар пайдо бўлди.

Алехандро Гарначо Англияга кўчиб ўтишдан олдин "Атлетико Мадрид"нинг ёшлар академиясида таҳсил олган. Қанот ҳужумчисининг "Манчестер Юнайтед" билан шартномаси 2028 йилгача мўлжалланган.