"Бавария" ҳужумчиси Эрик Максим Чупо-Мотинг мавсум якунидан кейин клубда қолиши даргумон. 34 ёшли футболчининг шартномаси июн ойида ниҳоясига етади ва уни узайтириши даргумон, гарчи бу масала бўйича, аввалроқ хабар қилинганидек, ҳали якуний қарор қабул қилинмаган.
Sky Sport хабарига кўра, агар у "Бавария"ни тарк этса, фаолиятини Саудия Арабистони ёки Қатарда давом эттириши эҳтимоли юқори. Форвард ҳар икки мамлакат чемпионати вакилларидан келган таклифларни бажонидил кўриб чиқади.
Эрик Чупо-Мотинг жорий мавсум мюнхенликлар сафида 28 та ўйинда майдонга тушиб, 3 та гол урди ва битта голли узатмани амалга оширди.
