“Брест” ярим ҳимоячиси Пьер Ле Мелу Франция чемпионатида февраль ойининг энг яхши футболчиси деб топилди. У овоз йиғишда "Марсель" вакили Пьер-Эмерик Обамеянг ва "Лилль" ҳужумчиси Жонатан Дэвидни ортда қолдирди.
30 ёшида у биринчи марта Лига 1 ойининг энг яхши футболчиси совринини қўлга киритди. Шунингдек, соврин яратилган 2003/04 йилги мавсумдан буён илк бор "Брест" футболчиси уни қўлга киритди.
Февраль ойида Ле Мелу "Брест"га 4 учрашувда иккита ғалаба ва иккита дурангга эришишига ёрдам берди. У иккита гол урди.
