Испания футбол федерациясида қидирувлар давом этмоқда.
Испания фуқаролик гвардияси Испания Қироллик футбол федерацияси (RFEF) жойлашган бинода тинтув ўтказмоқда.
Фуқаролик гвардияси вакиллари RFEF ва Саудия Арабистони ўртасида Испания Суперкубогини ўтказиш бўйича шартномага оид барча ҳужжатларни ўрганиб чиқмоқда. Бунинг учун RFEF йилига 40 миллион евро олади. Музокараларда воситачи "Барселона"нинг собиқ ҳимоячиси Жерар Пикега тегишли "Kosmos" компанияси бўлди.
Шартнома RFEFни футболчи Женни Эрмосонинг ўпиши билан боғлиқ жанжалдан кейин ўз лавозимини тарк этган Луис Рубиалес бошқарганида имзоланган. Саудия Арабистони билан шартнома бўйича ишда Рубиалес айбланмоқда.
AS манбаларининг айтишича, бугун эрталаб Фуқаролик гвардияси бир нечта одамни ҳибсга олинган, аммо воқеа RFEF идорасида содир бўлмаган.