Айни дамда Англия терма жамоасида ишлаётган Гарет Саутгейт «Манчестер Юнайтед»нинг навбатдаги мураббийи бўлиши мумкинлиги ҳақида миш-мишлар тарқалди.
"Қизил иблислар" афсоналари Рой Кин ва Гари Невилл Stick to Football подкастида бу лавозимга Саутгейтни яхши номзод сифатида гапиришди.
Бироқ "манкунианликлар" мухлислари бу мутахассисларнинг фикрига қўшилмади.
"Мураббий сифатидаги "улуғли" иши ҳисобга олинса, Невилл ўз фикрларини ўзида сақлаб қолиши яхши. Барчага бундай фикрлар билан таъсир ўтказмаслиги керак", - деб ёзди мухлислардан бири.
"Тен Хагни Саутгейт билан алмаштириш керакми? Вой, Худойим! Балки Сэм Эллардайсни тайинлашимиз керакдир", - дея ўз фикри билан ўртоқлашди бир мухлис.
