Бразилия терма жамоаси ва “Реал” клуби вингери Родриго Гоэс футболчиларнинг психологик ҳолатини кузатиши кераклиги ҳақида гапирди.

“Ҳаммада озгина қўрқув бор. Бу одатий. Баъзи одамлар қўрқув билан қандай курашишни бошқаларга қараганда яхшироқ билишади. Футболда тинчлик йўқ. Агар чоршанба куни ғалаба қозонсангиз, сиз дунёдаги энг зўрисиз.

Агар якшанба куни ютқазсангиз, сиз дунёдаги энг ёмон одамсиз. Сиз мувозанатни сақлашингиз керак.

Одамлар нима дейишидан ташвишланмасликка ҳаракат қиламан. Лекин одамлар ҳам футболчининг аҳволини тушуниши керак.

Биз руҳий саломатлигимизга эҳтиёт бўлишимиз керак. Мен нафақат футболчиларга, балки барчага психологга мурожаат қилишни маслаҳат бераман.

Бу сизга жуда кўп ёрдам беради. Мен кимдир билан гаплашдим ва бу менга ҳақиқатан ҳам ёрдам берди, ҳаётни бутунлай бошқача тасаввур қилдим”, деди Родриго The Guardian нашрига.