«Арсенал» устози Арсен Венгер жамоасининг чемпионлар лигаси 1/8 финали доирасидаги «Бавария»га қарши учрашуви ҳақида фикр билдирди.

«Рақиб тўлиқ ўз кучига ишониб турган вақтда натижага эришиш қийин бўлади. Нима бўлишига қарамай, биз Мюнхенда майдонга тушамиз. Ўз ўйинимиз билан «Бавария»нинг ишончини сўндиришимиз керак бўлади.

Ҳеч ким бизга ишонмаётганини биламиз, лекин биз ўз ўзимизни кейинги босқич йўлланмасидан маҳрум этмаслигимиз керак. Майдонда ғалаба учун ўйнаш керак. Қандай тактика асосида ўйнашни ҳали ҳал қилганим йўқ.

«Арсенал»да фахрланишимиз мумкин бўлган ғалабалар сони унча кўп эмас. Мюнхенда ана шундай натижа қайд этишимизга ишонишимиз керак.

Имкониятларимиз кам бўлса ҳам бор. Шундай экан иложи бўлмаган ишни ҳам амалга оширса бўлади. Агар керакли натижага эришсак бу улкан ғалаба бўлади»,- дейди мураббий.