"Манчестер Юнайтед" ёзги трансфер ойнасида ўзининг дарвозабон позициясини кучайтириши мумкин. Todofichajes'га маълум бўлишича, Англия Премьер-лигаси гиганти "Атлетико Мадрид" футболчиси Ян Облакни кўзлаган.
Ҳозирда "Манчестер Юнайтед"нинг асосий дарвозабони Андре Онана, аммо камерунлик футболчи мавсумни яхши ўтказмаяпти. "Атлетико" 31 ёшли Облакни бу ёзда яхши пулга сотиш мумкинлигини тушуниб, молиявий аҳволини яхшилашни истамоқда, "МЮ" вазиятдан фойдаланиб қолиши мумкин.
Қайд этилишича, “Манчестер Юнайтед” Ян Облак учун тахминан 50 миллион евро тўлашга тайёр – “Атлетико Мадрид” айнан шу суммани талаб қилади. Словениялик голкипернинг ўзи ҳам ўзини Премьер-лигада синаб кўришга қарши эмас.
