"Реал Мадрид" ва Франция терма жамоаси ярим ҳимоячиси Орельен Тчуамени клубда Килиан Мбаппе билан яқин орада учрашиши мумкинлиги ҳақида гапирди.
"ПСЖ" ҳужумчиси мавсум якунлангач, эркин агент сифатида "Лос-Бланкос"га ўтиши кутилмоқда. Ҳозирча трансфер расман тасдиқланмаган, бироқ Мбаппенинг ўзи, эҳтимол, тез орада омма олдида баёнот бериши мумкин.
"Мбаппе қачон "Реал"га ўтишини эълон қилади? Ростини айтсам, ҳозир мен бунга аҳамият бермайман. Кўрамиз, у нима қилади, лекин ҳозир у "ПСЖ" футболчиси. Буни вақт кўрсатади", - деди Тчуамени Германияга қарши ўртоқлик учрашувидаги мағлубиятдан сўнг (0:2) Sky Sport нашрига берган интервьюсида.
