Нуфузли журналист Фабрицио Романо “Бавария” ҳимоячилари билан юзага келган вазият ҳақида фикр билдирди.

Жамоанинг марказий ҳимоясидан 3 нафар футболчи келаси ёзда кетиши мумкин.

"Упамекано? Кўп нарса янги мураббийга боғлиқ бўлади. У билан футболчининг келажаги муҳокама қилинади.

Ким Мин Же ҳам худди шундай, "Бавария" унинг муносабатидан мамнун. Маттейс де Лигт ҳам кетишга яқин, аммо ҳозирча ҳеч қандай қарор қабул қилингани йўқ", - дея Романонинг сўзларини келтиради Caught Offside.

Эслатиб ўтамиз, Германия чемпионатида “Бавария” пешқадам “Байер”дан 10 очко ортда қолмоқда. Жорий Бундеслига якунланишига 8 та учрашув қолди.