"ПСЖ" ҳужумчиси Килиан Мбаппе мухлислар унинг янги клуби ҳақида қачон билиб олишлари ҳақида гапирди. Эслатиб ўтамиз, мавсум якунида франциялик форвард эркин агент сифатида "ПСЖ"ни тарк этади.
"Менинг келажагим? Евро-2024 бошланишига қадар сиз ҳамма нарсани билиб оласиз. Мен ҳозир жуда хотиржамман. Келажагим ҳозир клубда муҳокама қилинадиган мавзу эмас, улар мендан бу ҳақда сўрашни тўхтатдилар. Европа чемпионатида хотиржам ўйнашни хоҳлайман", - дея Мбаппенинг сўзларидан иқтибос келтиради Madrid Zone.
"Реал Мадрид" узоқ вақтдан бери Килианни трансфер қилиш учун фаворит ҳисобланиб келган, бу футболчини текинга олиши керак. Жорий Франция чемпионатида Мбаппе 24 та гол урди ва 5 та голли узатмани амалга оширди.
