"Бавария" ҳимоячи Альфонсо Дэвиснинг жамоадаги келажаги ҳақида ҳафта охиригача қарор қабул қилмоқчи, дея хабар беради Sky Germany журналисти Флориан Плеттенберг.

Манба берган хабарга кўра, мюнхенликлар 23 ёшли канадалик футболчидан клуб билан шартномасини узайтирадими ёки йўқми деган саволга жавоб беришни талаб қилмоқда.

"Бавария" футболчига 2029 йил охиригача шартнома таклиф қилади, унга кўра футболчи тахминан 14 миллион евро ишлаб олади. Ҳимоячининг ўзи эса 20 миллион евро олмоқчи.

Агар Дэвис “Бавария” таклифини рад этса, мюнхенликлар футболчини 2024 йилнинг ёзида сотади. Ҳимоячига асосий даъвогар "Реал" бўлиб турибди, бироқ Мадридликлар "Бавария" футболчи учун талаб қилаётган 50 миллион еврони тўлашга тайёр эмас.