Португалиялик мураббий Жозе Моуриньо фаолияти давомида икки марта Португалия терма жамоасини бошқаришга яқин келганлигини тан олди.
"Икки марта Португалия терма жамоаси эшиклари мен учун очилган эди. Биринчи ҳолат "Реал Мадрид"да бўлган. Клуб президенти Флорентино Перес менга: "Жозе, бу мумкин эмас", деганди. Иккинчи мартада эса пушаймон бўлишим мумкин, чунки бир неча ой ўтгач, мени "Рома"дан ҳайдаб юборишди. Лекин бундан афсусланмайман, чунки рад этиш сабабидан хурсандман", - деди Моуриньо.
Эслатиб ўтамиз, Жозе Моуриньо "Рома"дан ҳайдалганидан кейин январь ойидан бери ишсиз.
