Мадриднинг «Реал» жамоаси янги йилда жуда катта ўзгаришларга қўл урди деб айта олмаймизу, лекин жамоанинг натижалари ва ўйини кескин ўзгарди. Эски йилнинг охирига келиб барча «Бланкос»ни «ботқоққа тиқиб қўйганди». Аввал Моуриньо, кейин Роналду жамоадан «кетишди», лекин... ҳамма ўз ўрнида.

Тўғри, чемпионатда ғалаба қозонишнинг деярли имкони йўқ, лекин қолган икки мусобақада улар яхши қатнашишмоқда.

Янги йилда «Реал» 9 учрашув ўтказиб, худди «Барселона» каби 22 гол киритди. Моуриньо жамоаси тўққиз ўйиндан еттитасида ғалаба қозонишди, битта ўйинда дуранг ўйнашди ва яна бир марта майдонни бошлари эгик ҳолда тарк этишди, яъни 22 очко тўплашди. Бу борада «Реал»га тенг келадигани Испанияда йўқ. «Барселона» ҳам 22 очко жамғарган, лекин улар «Реал»дан битта ўйин кўп ўтказишган. Кейинги ўринларда «Валенсия» (18) ва «Атлетико» (17) бормоқда.

Бу ўйинларидан кейин «Реал» тўхтатиб бўлмайдиган жамоага ўхшаб кўринмоқда.    «Реал» сўнгги 16 ўйинда бор йўғи бир марта имкониятни бой берган. Юқоридаги натижалар жамоанинг ички муҳитига ҳам яхши таъсир этган бўлиши аниқ. Кўрамиз, «Бланкос» қанча масофани босиб ўтаркин!

Ж.И. Гарсия Очоа «Маrса» газетаси журналисти