Бильбаонинг "Атлетик" клуби дарвозабони Хулен Агирресабала Испаниянинг машҳурроқ клубига ўтиши мумкин.
Todofichajes нашри хабарига кўра, 23 ёшли дарвозабонни ўз сафига "Реал Мадрид" қўшиб олишга қизиқмоқда. Агирресабаланинг "басклар" клуби билан шартномаси 2025 йилгача мўлжалланган. "Атлетик" ўз посбонини 40 миллион еврога баҳоламоқда.
Эслатиб ўтамиз, "Реал Мадрид"нинг асосий дарвозабони Тибо Куртуа жароҳати сабаб ушбу мавсум охиригача сафдан чиққан. Унинг ўрнига украиналик Андрей Лунин "Қироллик клуби" дарвозасидан жой олди. "Реал" Ла Лигада пешқадам ва Чемпионлар Лигасида чорак финалга чиқди.
