Италиянинг “Наполи” клубининг собиқ футболчиси ва 2006 йилги “Олтин тўп” соҳиби Фабио Каннаваро катта клубга мураббий бўлмоқчи.
Бироқ негадир ҳеч ким уни мураббийликка таклиф қилишга шошилмаяпти. Бу сафар Каннаваро ўзининг собиқ клуби раҳбариятига шаъма қилди - айтишларича, у бепул ишлашга ҳам тайёр.
"Мен бу клубни текинга бошқарган бўлардим. "Наполи" учун муаммо шундаки, бу мавсумда мураббий ишига жуда кўп аралашишлар бўлди.
Менга келсак, одамлар менинг Хитойда тўплаган тажрибамни ҳурмат қилмаслиги ачинарли. Мен ўз устимда ишлаяпман ва ўсяпман. Мен мураббий бўлишни хоҳлайман", дея Каннаваронинг сўзларини келтиради fcinter1908.it.
