"Лейпциг" ярим ҳимоячиси Дани Ольмо фаолиятини "Челси"да давом эттириши мумкин. Бу ҳақда FT нашри хабар бермоқда.
Манбага кўра, ёзда Лондон клуби Ольмонинг эҳтимолий трансфери бўйича музокараларга киришади. Қайд этилишича, "Челси" раҳбарияти Конор Галлахер ва Рахим Стерлингнинг кетишига қарши эмас.
Олдинроқ ёзда Ольмонинг шартномасидаги товон пули 60 миллион еврони ташкил қилиши ҳақида хабар берилганди. Испаниялик футболчининг хизматларига "Барселона" ҳам қизиқиш билдирмоқда.
Жорий мавсумда Ольмо "Лейпциг" сафида 19 та ўйинда майдонга тушиб, 7 та гол урди ва 4 та голли узатмани амалга оширди.
Transfermarkt портали Испания терма жамоаси футболчисини 50 миллион еврога баҳоламоқда.
