"Бавария" франциялик мутахассис Зинедин Зиданни жорий мавсум якунида Томас Тухель кетганидан кейин бўш қоладиган Мюнхен клубининг янги бош мураббийи лавозимига асосий номзодлардан бири сифатида кўрмоқда. Бу ҳақда Bild хабар бермоқда.

Манбага кўра, ҳозирча томонлар ўртасида тўғридан-тўғри алоқалар бўлмаган. Зиданнинг ўзи "Бавария"ни бошқариш имкониятини қизиқиш билан кўриб чиқмоқда, чунки унинг фикрича, бу клуб "Реал Мадрид"га ўхшаб кетади. Бу жамоа ҳам ажойиб тарихга эга ва мукаммал иш шароитларини таклиф қилишга тайёр.

Таъкидланишича, «Бавария» раҳбарияти Мюнхен клубининг собиқ вингери Франк Риберининг Зиданга ёрдамчи бўлишини истамоқда.