Мюнхеннинг “Бавария” клуби Англиянинг “Эвертон” клубининг бельгиялик ярим ҳимоячиси Амаду Онанага қизиқиш билдирмоқда.
Бу ҳақда The Telegraph нашри хабар берди.
Манбанинг хабарига кўра, немис клуби бу трансферни 2024 йилнинг ёзида амалга оширишга умид қилмоқда.
Англия премьер-лигасининг жорий мавсумида 22 ёшли Амаду Онана 22 ўйин ўтказиб, иккита гол урди. Шунингдек, у Лига кубогида тўртта ўйинда битта гол ва битта голли узатмани ўз ҳисобига ёздириб қўйди.
Ярим ҳимоячи Бельгия терма жамоаси сафида 2024 йилги Европа чемпионати саралашида тўртта ўйин ўтказди. Футболчи самарали ҳаракатлар кўрсатмади.
