Ўтган йилнинг охирида Луис Суарес "Интер Майами" жамоасига келиб қўшилди. У Лионель Месси, Серхио Бускетс ва Жорди Альбадан кейин МЛС жамоасига қўшилган "Барселона"нинг тўртинчи собиқ футболчисига айланди. Бу рўйхат янада кенгайиши мумкин.
Goal портали ижтимоий тармоқларда мухлислар Месси - Суарес - Неймар ҳужум учлигини қайта бирлаштириш имкониятларини муҳокама қилаётганига эътибор қаратади. Бу Неймарнинг "Интер Майами"нинг асосий инвестори Дэвид Бекхэм билан учрашуви бўлди. Мухлислар Бекхэм Неймар билан Майамига кўчиб ўтиш имкониятини муҳокама қилган, деб тахмин қилишмоқда.
Эслатиб ўтамиз, ўтган ёзда Неймар "ПСЖ"дан "Ал-Ҳилол"га ўтганди. Бразилиялик футболчи ҳозирча тиззасидан олган жиддий жароҳати туфайли Саудия Арабистонида ўйинларда иштирок этмаяпти.
