"Жирона" сафида "Барселона"дан ижара асосида ўйнаётган ярим ҳимоячи Пабло Торре ёзда сотилиши мумкин.

20 ёшли футболчига "Жирона"да талаб унчалик катта эмас - у жорий Ла Лигада бор-йўғи тўрт марта майдонга тушган. Sport хабарига кўра, ҳозир ҳаммаси Торре ёзда янги клуб излашига тўғри келишидан далолат бермоқда. "Барселона" ярим ҳимоячини сотиш ёки қайта ижарага беришни режалаштирмоқда. Вазият фақат "кўк-анорранглилар"нинг янги мураббийи ўйинчига ишонишга қарор қилган тақдирдагина ўзгариши мумкин.

Пабло Торренинг "Барселона" билан шартномаси 2026 йилгача мўлжалланган. Transfermarkt экспертлари испаниялик футболчининг нархини 3 миллион еврога баҳоламоқда.