"Барселона" бош мураббийи Хави Эрнандес Ла Лига чемпионлиги учун кураш ҳақидаги фикрлари билан ўртоқлашди.
30-тур доирасидаги ўйинда “Лас-Пальмас”ни мағлуб этган (1:0) “кўк-анорранглилар” турнир жадвалида пешқадамлик қилаётган “Реал”дан очколар фарқини бештага қисқартиришди.
"Лос-Бланкос" якшанба куни ўз майдонида "Атлетик"га қарши ўйнайди.
"Умид қиламанки, "Реал" эртага очко йўқотади, шунда биз чемпионлик учун курашни давом эттирамиз.
Рақибларимизнинг натижалари бизга боғлиқ эмас. Бугун биз ўз вазифамизни бажардик ва буни доимий бажаришимиз керак", деди Каталония гранди бош мураббийи ўйиндан кейинги матбуот анжуманида.
